Vishaj, avokati që u shtrua në Traumë, ndërron jetë në Tiranë

Avokati Saimir Vishaj ka ndërruar jetë, pas një periudhe të gjatë në gjendje të rëndë shëndetësore. Ai ishte shtruar me urgjencë në Spitalin e Traumës në Tiranë, ku mjekët bënin përpjekje për ta mbajtur në jetë.

Vishaj ishte shoqëruar në spital pasi dyshohej se kishte rënë nga shkallët. Me përkeqësimin e gjendjes, stafi mjekësor e kishte intubuar, ndërsa situata e tij ishte vlerësuar si kritike.

Avokati nga Vlora kishte folur publikisht edhe më herët për problemet me shëndetin. Në gusht të vitit 2025, kur ishte 60 vjeç, ai tregoi se kishte kaluar një sëmundje të rëndë, që e kishte çuar për një kohë në gjendje kome dhe kishte kërkuar intubimin e tij.

Rrethanat e plota të ngjarjes që e çoi në spital mbeten ende për t’u sqaruar.