Orban në Beograd, mikpritet nga Vuçiç në shtëpinë e prindërve të tij

Ish-kryeministri i Hungarisë, Viktor Orban, ishte i ftuar në Beograd te ish-presidenti i Serbisë, Aleksandar Vuçiç, vetëm pak ditë pasi humbi zgjedhjet në vendin e tij. Takimi u mbajt në shtëpinë e prindërve të Vuçiçit.

Vuçiç publikoi një video nga takimi dhe e cilësoi Orbanin “mik të madh” dhe “vëlla”.

Të dy politikanët kanë dalë nga pushteti pas një periudhe të gjatë dominimi politik. Orban humbi zgjedhjet parlamentare të prillit dhe la postin e kryeministrit pas 16 vitesh. Lista e drejtuar nga Vuçiç pësoi humbje në zgjedhjet e parakohshme parlamentare të 25 tetorit, pas 14 vitesh në krye të politikës serbe.

Gjatë bisedës, Vuçiç tha se ata kanë humbur zgjedhjet, por jo dinjitetin, krenarinë dhe besimin. Orban i shprehu mbështetje dhe deklaroi se miqtë e vërtetë qëndrojnë pranë njëri-tjetrit edhe në kohë të vështira.