Rama me foto nga Bulevardi: “Shiu i Halloween” për protestën para Kryeministrisë

Kryeministri Edi Rama ka reaguar me ironi ndaj protestës së së shtunës para zyrës së tij, duke postuar në një grup në WhatsApp pamje nga Bulevardi, ku në orët e pasdites duken pak njerëz.

Pamjeve u shtoi komentin: “Shiu i Halloween. Ai momenti kur përsërit të njëjtën gjë dhe pret një rezultat të ndryshëm”. Me këtë shprehje, ai e lidh protestën me ditën e Halloween.

Protesta dhe studentët

Protesta është thirrur nga Partia Demokratike. Paralelisht, studentët nisën grumbullimin që në orët e paradites.

Fillimisht ata u mblodhën te Ministria e Arsimit dhe më pas marshuan drejt Kryeministrisë.