Kosovari 46-vjeçar vdes në livadhet e Domajt, vëllai i shtrirë në spitalin e Kukësit
Një burrë 46-vjeçar nga Kosova ka vdekur në fshatin Domaj të Hasit kur mjeti sportiv që drejtonte është përmbysur. Vëllai i tij, 38 vjeç, ka mbetur i plagosur dhe po mjekohet në Kukës.
Një shtetas nga Kosova, 46 vjeç, ka vdekur në Has, pasi mjeti sportiv që drejtonte është përmbysur në livadhet e fshatit Domaj, në njësinë administrative Gjinaj.
Viktima me inicialet A. Q. ishte drejtuesi i mjetit. Në aksident ka mbetur i plagosur edhe vëllai i tij, V. Q., 38 vjeç.
I plagosuri është dërguar në spitalin e Kukësit, ku po merr ndihmë mjekësore.
Sipas informacionit paraprak të Policisë, mjeti dyshohet se është përmbysur aksidentalisht, gjë që ka çuar në vdekjen e 46-vjeçarit.
Grupi hetimor ndodhet në vendngjarje dhe po vijon punën për të zbardhur rrethanat dhe shkaqet e plota të ngjarjes.
